«Qazaqstan» telearnasy «Disney» anımatsııalyq fılmderiniń aptalyǵyn usynady
31 jeltoqsan men 3 qańtar aralyǵynda arna efırinen «Disney»-diń áıgili «Uıqydaǵy arý», «Muzdy ólke», «Djýnglı kitaby», «Bıkesh pen Qańǵybas», «Ralf Internetke qarsy», «Kólikter-3» anımatsııalyq fılmderi sınhrondy dýblıajben kórsetiledi.
«Qazaqstan» telearnasy otandyq televızııa keńistiginde kórkem jáne anımatsııalyq fılmder men serıaldarǵa sınhrondy dýblıaj jasaıtyn jalǵyz arna. Teleradıokorporatsııanyń sınhrondy dýblıaj jasaýda on jyldan astam tájirıbesi bar.
Ulttyq arnanyń dýblıaj bóliminiń jetekshisi Gúlnar Rahımovanyń aıtýynsha, «Disney»-diń bir týyndysyn dybystaý úshin 40-tan astam maman jumys isteıdi.
«Disney» talaptary óte qatań. Dýblıaj belgili bir nusqaýlyqqa súıene otyryp jasalady. Protsesti bastan-aıaq baqylap, dybystalatyn daýystardy tolyqtaı kompanııanyń ózi bekitedi. Kastıng ótkizilip, ár personajǵa úsh akterdan usynylady. Bul «Disney»-diń bir týyndysyna 40-tan astam dýblıaj mamany jumyldyrylady degendi bildiredi. Anımatsııalyq týyndylardaǵy ánder men óleń joldarynyń uıqasy da jiti qadaǵalanady. Mátin fılm keıipkerleriniń artıkýlıatsııasyna saı beıimdeledi. Akterler anımatsııalyq fılmderdegi barlyq ánderdi shyrqaıdy. Sondyqtan, bul jumysqa tek kásibı mamandar, mýzykalyq redaktorlar men hormeısterler jumyldyrylady. Eger keıipker bala bolsa, sáıkesinshe dýblıaj da bala daýysymen jasalýy tıis», - deıdi G.Rahımova.
Osy kúnge deıin ulttyq arna «Disney» kompanııasynyń altyn jáne platına kollektsııasynan 50-ge jýyq týyndyny aýdarǵan.
Bıylǵy jyldyń jańajyldyq kestesine engizilgen «Uıqydaǵy arý», «Muzdy ólke» anımatsııalyq fılmderi 31 jeltoqsan 08:45-te jáne 13:00-de, «Djýnglı kitaby» 1 qańtar 19:40-ta, «Bıkesh pen Qańǵybas», «Ralf Internetke qarsy» anımatsııalyq fılmderi 2 qańtar 10:00 jáne 16:10-da, «Kólikter-3» 3 qańtar 16:15-te kórsetiledi.
