«Qazaqstan» telearnasynyń «Qorqyt» tarıhı telehıkaıasy halyqaralyq kınofestıvalde úzdik atandy

ASTANA. KAZINFORM — «Qazaqstan» teleradıokorporatsııasy túsirgen tórt bólimdi «Qorqyt» tarıhı bıografııalyq telehıkaıasy Monrealda ótken halyqaralyq Montreal International Film Festival kınofestıvalinde «Úzdik kostıým» jáne «Úzdik grım» atalymdary boıynsha úzdik dep tanyldy. Kanadada ótetin dástúrli kınofestıval kıno salasyndaǵy bedeldi baıqaýlardyń biri.

«Qorqyt» telehıkaıasynyń kostıým boıynsha qoıýshy sýretshisi Janar Raıym, kıimderdiń alǵashqy jobasyn salǵan Ásem Kenjetaeva, al grım boıynsha qoıýshy sýretshi Andreı Tsırıýlnık. Týyndynyń rejısseri Qanaǵat Mustafın, prodıýseri Sholpan Batyrbaeva.

Túrki halyqtaryna ortaq Qorqyt tulǵasyna arnalǵan tarıhı drama Ózbekstannyń «Madanııat va marıfat», Ázirbaıjannyń «SBC» arnasynan telearnalarynan da kórsetildi.

Aldaǵy ýaqytta Qyrǵyzstannyń «KTRK» jáne Túrkııanyń «TRT» telearnalarynan telehıkaıanyń qyrǵyz, túrik tilderindegi nusqasy efırge shyǵady.

Serıaldyń tolyq nusqasyn «Qazaqstan TV» You Tube arnasynan kóre alasyzdar.