Qazaqstan Investment Corporation AQ basqarma tóraǵasy bolyp Dıdar Qarymsaqov taǵaıyndaldy

ASTANA. KAZINFORM – «Báıterek» UBH» AQ Jalǵyz aktsıoneriniń sheshimimen «Qazaqstan Investment Corporation» AQ (QIC) basqarma tóraǵasy jáne dırektorlar keńesiniń múshesi bolyp Dıdar Nurlybekuly Qarymsaqov taǵaıyndaldy.

Dıdar Qarymsaqov M.Nárikbaev atyndaǵy Qazaq gýmanıtarlyq-zań ýnıversıtetin «Quqyqtaný» mamandyǵy boıynsha bitirgen.

Jalpy jumys ótili 15 jyldan astam, onyń ishinde basshylyq laýazymdarda 5 jyldan astam.

Eńbek jolyn «Respýblıkalyq ǵaryshtyq baılanys ortalyǵy» AQ-ta quqyqtyq qamtamasyz etý sektorynyń zań máseleleri boıynsha keńesshi bolyp bastady.

2008-2019 jyldary memlekettik jáne jeke sektorlardyń túrli kompanııalarynda jumys istedi: «Samuryq-Qazyna Invest» JShS, «Qazaqstan Damý Banki» AQ, «Kazahstanskaıa pravda» respýblıkalyq gazeti» AQ, «QazTech Ventures» AQ, «QazTrade» SSDO» AQ.

Aıta keteıik, buǵan deıin Dıdar Qarymsaqov «Qazyna Kapıtal Menedjment» AQ-ta basqarýshy dırektor qyzmetin atqarǵan bolatyn, ol 2023 jyly rebrendıngten keıin ataýyn «Qazaqstan Investment Corporation» AQ dep ózgertti.

Basqarma tóraǵasy bolyp taǵaıyndalǵanǵa deıin QIC «Halyqaralyq jasyl tehnologııalar jáne ınvestıtsııalyq jobalar ortalyǵy» KEAQ Basqarma tóraǵasy qyzmetin atqardy.

Buǵan deıin Pavlodar, Mańǵystaý jáne Batys Qazaqstan oblystyq sottarynyń tóraǵalary taǵaıyndaldy.