Qazaqstan Hockey Open týrnıri: Qazaqstan quramasy Reseıge ese jiberdi
ASTANA. KAZINFORM - Búgin Astanada bastalǵan shaıbaly hokkeıden Qazaqstan Hockey Open týrnırinde Qazaqstan quramasy Reseıge ese jiberdi.
Kezdesý barysynda qos qurama birden shabýylǵa shyqty. Nátıjesinde 13-mınýtta reseılik Vasılıı Glotov mergendik tanytty.
Qalǵan eki kezeńde qarsylastar esepti ózgertetin birneshe múmkindikti múlt jiberip aldy. Keıbir sátte qazaqstandyq qaqpashy Andreı Shýtovtyń sheberligi baıqalyp turdy.
Osylaısha Qazaqstan quramasy qarsylasyna 0:1 esebimen ese jiberdi.
Endi el quramasy 3 mamyrda Belarýs quramalarymen kezdesedi.
El quramasy 10 sáýirden bastap elordada ótetin elıtalyq dıvızıondaǵy álem chempıonatyna daıyndyqqa kirisken bolatyn. Oqý-jattyǵý jıynyna sheteldik jáne otandyq klýbtarda oıyn kórsetetin hokkeıshiler shaqyrý alǵan.
Álem chempıonaty 10-26 mamyr aralyǵynda Chehııanyń Praga jáne Ostrava qalalarynda ótedi. Toptyq kezeńde ulttyq qurama AQSh, Germanııa, Shvetsııa, Slovakııa, Latvııa, Frantsııa jáne Polshamen synǵa túsedi.
