Qazaqstan Barysy tól ónerimizdi álemge tanytty – Prezıdent quttyqtaýy
NUR-SULTAN. QazAqparat – Prezıdent Ákimshiligi basshysynyń birinshi orynbasary Dáýren Abaev Memleket basshysy Qasym-Jomart Toqaevtyń Qazaqstan Barysy týrnıriniń qatysýshylaryna arnalǵan quttyqtaý sózin oqyp berdi, dep habarlaıdy QazAqparat tilshisi.
«Qadirli sport súıer qaýyp, qurmetti balýandar! Barshańyzdy Qazaqstan Barysy týrınıriniń bastalýymen quttyqtaımyn. Qasterli táýelsizdigimizdiń mereıli jylynda, elorda kúniniń qarsańynda, kúsh atasy Qajymuqannyń 150 jyldyǵyna oraı ótkizilip jatqan bul saıystyń sımvoldyq máni zor. Qazaqstan Barysy týrnıri halqymyzdyń ejelden kele jatqan tól óneri – qazaq kúresi egemendik kezeńine qaıta jańǵyrtty. Bul saıys babalardyń batyrlyq rýhy men jaýyngerlik sheberligi, urpaqtan-urpaqqa jalǵasyp kele jatqanyn ańǵartady. Sońǵy jyldary keń qanat jaıyp, jan-jaqty dáriptele bastaǵan qazaq kúresi qarqyndy damýda. Oǵan QR Turńǵysh Prezıdent – Elbasy Nursultan Nazarbaevtyń júdesi úshin ótetin Qazaqstan Barysy respýblıkalyq týrnır zor úlesin keledi», - delingen Prezıdenttiń quttyqtaý sózinde.
Memleket basshysynyń quttyqtaýynda qazaq kúresin jan-jaqty nasıhattaýdyń arqasynda tól ónerimiz ıÝNESKO uıymynyń materıaldyq emes mádenı muralardyń tizimine engenin atady.
«Dástúrge aınalǵan dúbirli doda tól ónerimizdi álemge tanytty. ıÝNESKO uıymy qazaq kúresin adamzattyń materıaldyq emes mádenı murasynyń tizimine qosýy – osynyń aıqyn kórinisi. Balýandardyń óneri jastardyń sportqa qyzyǵýshylyǵyn oıatyp, óskeleń urpaqty otansúıgishtik rýhta tárbıeleýge jol ashady. Búgingi baıraqty básekede balýandarymyzǵa sáttilik tileımin. Ulttyq qundyqylyqtarymyz aıshyqtala bersin», - dep jazylǵan Prezıdenttiń quttyqtaý hatynda.
