Qazaqstan Barysy Grand Slam: qazaqstandyq dzıýdoshylar úshinshi jarys kúnin sátsiz aıaqtady
ASTANA. KAZINFORM - Qazaqstandyq dzıýdoshylar Astana qalasynda ótip jatqan Grand Slam týrnırinde búgin júldesiz qaldy. Otandastarymyzdyń eshqaısysy fınaldyq kezeńge shyǵa alǵan joq.
Búgin, 12 mamyrda bes salmaqta (úsheýi - erler, ekeýi -áıelder) dzıýdoshylar júldeli oryndardy sarapqa salyp jatyr. Degenmen olardyń qatarynda birde-bir qazaqstandyq balýan joq.
El quramasy sapyndaǵy sportshylardyń barlyǵy jarysty erte aıaqtady. Elordada ótken týrnırde qazaqstandyq balýandar tórt medal oljalady. Jarys barysynda Ǵalııa Tynbaeva altyn alsa, Eldos Smetov (60 keli), Baqytjan Abdýrahmanov (73 keli) jáne Abylaıhan Jubanazar (81 keli) qola júldeger atandy.
Jalpykomandalyq esepte eki kúnniń qorytyndysy boıynsha Qazaqstan quramasy úshinshi orynǵa jaıǵasty.
Bıyl Astana tatamıinde Sone Akıra, Rafael Sılva, Aaron Volf, Idalıs Ortıs, Tsend-Ochır Tssogtbaatar, An Baýl syndy Olımpıada chempıondary men júldegerleri qatysyp jatyr. Sondaı-aq olardyń qatarynda álem chempıondary men júldegerleri, Grand Slam jáne Grand Prix jarystarynyń jeńimpazdary bar.
Elorda tórindegi jarysta álemniń 84 elinen 500-ge jýyq dzıýdoshy baq synady.
