Qazaqstan Barysy: Fınalǵa shyqqan balýandar anyqtaldy
NUR-SULTAN. QazAqparat - Qazaqstan Barysy týrnıriniń 2021 jyldaǵy alǵashqy fınalısteri belgili boldy, dep habarlaıdy QazAqparat.
Jambyl oblysynyń namysyn qorǵaǵan Ǵalymjan Qyryqbaı týrnırdiń 2017 jylǵy jeńimpazy Elaman Erǵalıevti «taza jeńispen» qapy qaldyrdy.
Osylaısha ol ekinshi márte Qazaqstan Barysy ataný múmkindigin jiberip aldy.
Qazaqstan Barysy týrnıriniń ekinshi fınalısi de belgili boldy.
Mańǵystaýlyq Nurdáýlet Jarylǵapovpen beldesken shyǵysqazaqstandyq Dáýren Nuralınov qarsylasynan búk upaımen basym tústi.
Osylaısha Qazaqstan Barysy H respýblıkalyq týrnıriniń fınalynda buryn aqtyq synǵa shyǵyp kórmegen balýandar shyǵyp otyr.
Eske salsaq, taǵy bir Qazaqstan Barysy Muhıt Tursynov týrnırden birinshi aınalymda shyǵyp qaldy.
Taǵy bir Qazaqstan Barysy Aıbek Nuǵymarov shırek fınalda qyzylordalyq Elaman Erǵalıevten utylyp qalǵan bolatyn.
