«Qazaqstan» arnasynda óńirdegi jáne álemdegi oqıǵalarǵa qatysty eki birdeı baǵdarlama ashyldy
ASTANA. QazAqparat - Búgin «Qazaqstan» ulttyq arnasynda «Elden habar» jáne «Dabyl» atty qos birdeı baǵdarlamanyń tusaýy kesiledi, dep habarlaıdy QazAqparat.
Telearnanyń aqparattyq-saraptamalyq baǵdarlamalar dırektsııasynyń jańa maýsymǵa ázirligi men daıyndyq jumystary jaıly dırektsııa dırektory Erlan Atambaı málim etken . Buǵan deıin kórermenge jol tartqan «1 stýdııa», «Jýrnalıstik zertteý», «Basty taqyryp» baǵdarlamalarynyń da stýdııalary jańartylyp, qurylymdyq jaǵynan ózgerister engizilgen. Sonymen qatar, áleýmettik jaǵdaılarǵa taldaý jasaıtyn «Apta» baǵdarlamasynda da aıtarlyqtaı jańalyq bar.
Budan bylaı, habarda óz salasy boıynsha úzdik atanǵan sarapshy-mamandar toby jasaqtalady.
Aıta keterligi, jańa maýsymda qos birdeı baǵdarlamanyń tusaýy kesilmek. Salamat Omash júrgizetin «Elden habarǵa» kez-kelgen turǵyn óz óńirindegi bir oqıǵany taspaǵa túsirip jibere alady. Al, Aınur Omar men Dýlat Jeksenbaıuly júrgizetin «Dabyl» baǵdarlamasy elimizde jáne álemde bolǵan tótenshe jaǵdaılar, oqys oqıǵalar jaıly baıandaıdy. «Elden habar» baǵdarlamasy búgin 17:15-te «Dabyl» habary 23:35-te kórsetiledi.
