QazaqGaz ishki naryq úshin óndiriletin gaz kólemin arttyrady

NUR-SULTAN. QazAqparat – Reseıde ótken Peterbýrg halyqaralyq ekonomıkalyq forýmy aıasynda QazaqGaz UK AQ basqarma tóraǵasy Sanjar Jarkeshov pen «GazProm» JAQ basqarma tóraǵasy Alekseı Mıller yntymaqtastyq týraly memorandýmǵa qol qoıdy, dep habarlaıdy QazAqparat.

Qujatqa sáıkes, taraptar Orynbor GÓZ qazaqstandyq gaz óńdeý kólemin jylyna 11 mlrd tekshemetrge deıin arttyrady.

Bul qadam Qazaqstannyń ishki naryǵyna taýarlyq gazdy jetkizýdi jylyna 1,7 mlrd tekshemetrge ulǵaıtýǵa múmkindik beredi. Óz kezeginde, bul elimizde suıyq kómirsýtekter óndirýdi arttyrady.

Budan basqa, «QazRosGaz» JShS men «Gazprom pererabotka» JShQ arasynda 2022-2023 jyldary qazaqstandyq gazdy qaıta óńdeýge arnalǵan shartqa qol qoıyldy. Atap aıtqanda, bıyl buryn josparlanǵan 8,1 mlrd tekshemetr kólemge 0,57 mlrd tekshemetr gazdy qosymsha óńdeý kózdelgen, al kelesi jyly 2022 jyldyń bastapqy deńgeıine qosymsha 1,23 mlrd tekshemetr óńdeý josparlanýda.