QazaqGaz ben Sinopec kómir qabattarynan metan óndirý jobalary týraly kelisti
ASTANA. KAZINFORM — QazaqGaz jáne Sinopec kómir qabattarynan metan óndirý jobalary týraly memorandýmǵa qol qoıdy.
Búgin «QazaqGaz» UK» AQ delegatsııasynyń Beıjińge sapary aıasynda «QazaqGaz» UK» AQ basqarma tóraǵasynyń geologııalyq barlaý jáne perspektıvalyq jobalar jónindegi orynbasary Ulan Búrkitov pen Sinopec International Energy Investment Limited bas dırektory Sıýe Veısong kómir qabattarynan metan óndirý jobalary týraly Memorandýmǵa qol qoıdy.
Qujatqa qol qoıý arqyly eki jaq Qaraǵandy kómir basseınindegi kómir qabattarynan metan óndirý áleýetin birlesip zertteý jónindegi nıetterin bekitti. Kómir qabattarynyń metany Qazaqstannyń energetıkalyq sektorynda mańyzdy ról atqara alatyn óńir úshin tabıǵı gazdyń eleýli kózin quraıdy.
Bul yntymaqtastyq «QazaqGaz» UK» AQ-nyń elimizdiń gaz resýrstyq bazasyn ulǵaıtý jónindegi strategııasyna sáıkes júzege asyrylady.
Aıta keteıik, «QazaqGaz» UK» AQ jobalardy birlesip iske asyrý boıynsha qazaqstandyq jáne halyqaralyq kompanııalarmen, onyń ishinde dástúrli emes kómirsýtekter boıynsha yntymaqtastyqqa árdaıym ashyq.
Aıta keteıik, QazaqGaz jáne Teńizshevroıl gaz jetkizý týraly uzaq merzimdi kelisimge qol qoıdy.