Qazaq radiosy shekara mańyndaǵy 400-den astam aýylda habar tarata bastaıdy
Qazaq radiosy-nyń 100 jyldyǵy men Qazaqstan Táýelsizdiginiń 30 jyldyǵyna oraı 630 myńnan astam turǵyny bar Túrkistan, Jambyl jáne Shyǵys Qazaqstan oblystarynyń shekara mańyndaǵy 400-den astam aýyl otandyq radıoarnalardyń habarlaryn tyńdaýǵa múmkindik alady.
«QR Aqparat jáne qoǵamdyq damý mınıstrligimen shekara mańyndaǵy aýdandarda Qazaqstannyń aqparattyq qaýipsizdigin qamtamasyz etý úshin radıostansalar jelisin keńeıtý týraly sheshim ázirlendi. Qazaq radiosy baǵdarlamalaryn taratý basym tártippen júrgiziletin bolady. Bul jobany iske asyrý úshin QR shekara mańy aýmaqtarynda radıohabar taratýdyń memlekettik jelisin damytý jónindegi jol kartasy ázirlendi.
Jol kartasyna sáıkes radıohabar taratý jelisin 2021 jyldan bastap 2024 jylǵa deıin tórt kezeńde damytý josparlanýda.
Qazirgi ýaqytta Mınıstrlikpen teleradıo habarlaryn taratý úshin radıojıilik spektrin (RJS) bólý boıynsha konkýrs ótkizildi.
Mınıstrlikpen ótkiziletin konkýrsta 107 radıojıilik spektri bólindi. Onyń 89-y Qazaq radiosy, 18-i «Shalqar» radıosy úshin», delingen habarlamada.
Vedomstvonyń málimetinshe, radıojıilik berý 2022-2025 jyldarǵa arnalǵan QR shekara mańy aýmaqtarynda radıohabar taratýdyń memlekettik jelisin damytý jónindegi jol kartasynyń 1-kezeńine sáıkes júzege asyryldy.
Bıyl efırlik habar taratý boıynsha alǵashqy jáne eń aýqymdy radıoarna - Qazaq radiosy 100 jyldyq mereıtoıyn atap ótýde. Qazir Qazaq radiosy elimizdiń 89% aýmaǵynda habar taratady jáne Qazaqstannyń barlyq shekaralas aýdandaryn qamtýdy josparlap otyr.
