Qazaq Oil janarmaı quıý beketi benzındi mólsherden az quıyp kelgen

PETROPAVL. KAZINFORM – Petropavlda Qazaq Oil janarmaı quıý stantsııasyna jospardan tys tekseris júrgizilip, birqatar bylyqtyń beti ashyldy.

Tehnıkalyq retteý jáne metrologııa komıtetiniń Soltústik Qazaqstan oblysy boıynsha departamentine bul tekseristi júrgizýige Petropavl turǵynynyń shaǵymy negiz bolǵan. 

Saýda jáne ıntegratsııa mınıstrligi baspasóz qyzmetiniń málimetinshe, «PetroRetail» JShS-niń Qazaq Oil janarmaı quıý stantsııasynda júrgizilgen tekserý kezinde 20 lıtrlik M2r-20 ólsheýish arqyly janarmaı taratqysh kolonkalardan quıylatyn janarmaıdyń kólemi ólshenip, ruqsat etilgen shekten aýytqýshylyq bary dáleldendi.

Ruqsat etilgen aýytqý ±80 ml bolýy tıis bolsa, №1 kolonkada 120 ml, №4 kolonkada 140 ml kem quıylǵan. Bul – qoldanystaǵy metrologııalyq talaptardy buzý bolyp esepteledi. 

- Memlekettik retteýge jatatyn ólshemder tizbesinde jáne normatıvtik quqyqtyq aktilerde belgilengen ólshemderge, ólsheý quraldaryna, standartty úlgilerge, ólshemderdi oryndaý ádistemelerine qoıylatyn mindetti metrologııalyq talaptardy buzǵany úshin jaýapkershilik kózdelgen, - delingen baspasóz habarlamasynda.

Tekserý qorytyndysy boıynsha kásiporynǵa 1 mln 179 myń teńge kóleminde qysqartylǵan ákimshilik is júrgizý aıasynda aıyppul salyndy. Sonymen qatar, zańbuzýshylyqty joıý jóninde uıǵarym berilip, ol belgilengen merzimde oryndaldy. ıAǵnı jabdyqqa qosymsha retteý jáne jospardan tys tekserý jumystary júrgizildi. 

Buǵan deıin Qytaılar kólik ornyna velosıped minip, kúnine 6,6 mln lıtr benzın únemdep otyrǵanyn jazǵan edik.