Qazaq kuresi qaýymdastyǵynyń jańa prezıdenti tanystyryldy

ASTANA. QazAqparat – Elordada Qazaq kuresi assotsıatsııasy músheleriniń jınalysy ótti. Onyń barysynda jańa prezıdent tanystyryldy, dep habarlaıdy QazAqparat tilshisi.

Assotsıatsııanyń prezıdenti qyzmetine Mádenıet jáne sport mınıstrligi sport jáne dene shynyqtyrý isteri komıtetiniń tóraǵasy Erbol Myrzabosynov saılandy.

Assotsıatsııanyń aqparatyna sáıkes, qaýymdastyqty alǵash ret qazaq kúresiniń mamany basqaryp otyr. Erbol Myrzabosynov qazaq kúresinen halyqaralyq dárejedegi sport sheberi, eńbek sińirgen jattyqtyrýshy.

Ol buǵan deıin «Qazaq kuresi» assotsıatsııasynyń bas hatshysy bolǵan.

Uıymdastyrýshylardyń aıtýynsha, el aýmaǵynda jáne halyqaralyq arenada qazaq kúresiniń biryńǵaı erejesi bekitildi.

2022 jyly «Qazaq kuresi» assotsıatsııasy birikken kúres álemi (UWW) uıymynyń quramyna endi. UWW aıasynda alǵash ret qazaq kúresinen úsh jas mólsherin qamtyǵan álem chempıonaty ótti. Bul qazaq kúresiniń Azııa jáne jazǵy Olımpıada oıyndarynyń baǵdarlamasyna enýi jolyndaǵy mańyzdy qadam.