Qazaq Banki-niń burynǵy aktsıoneri Baqyt Ibragımniń záýlim úıi satylymǵa shyǵaryldy

ALMATY. KAZINFORM – Baqyt Ibragımge tıesili bolǵan záýlim úı satylymǵa shyǵaryldy.

Bul týraly habarlandyrý e-qazyna.kz portalynda jarııalandy.

Jalpy aýmaǵy 553,6 sharshy metr. Jyljymaıtyn múlik Bostandyq aýdanyndaǵy Qarǵaly yqsham aýdany 2-kóshe, 48-úı mekenjaıynda ornalasqan. Sonymen qatar, 0,14 gektar jer ýchaskesi men qosymsha sharýashylyq qurylystary da birge satylady.

Nysanyń jalpy quny – 460,6 mıllıon teńge. Saýda 26 naýryzda bastalady, kepildik jarnasy – 69 mıllıon teńgeden asady.

Bastapqy baǵasy – 1,3 mlrd teńge.

Bul záýlim úıdiń marqum Baqyt Ibragımge tıesili ekenin Almaty ákimdiginiń baspasóz qyzmeti rastady.

Buǵan deıin Qazaq Bank aktsıoneri Baqyt Ibragım qaıtys bolǵany týraly jazǵan edik. 

Keıin Polıtsııa departamenti qazaqstandyq kásipker, Qazaq Bank-tiń burynǵy aktsıoneri Baqyt Ibragımniń ólimine qatysty qylmystyq istiń toqtatylǵanyn málimdedi.

Eske salaıyq, 2018 jyly halyqaralyq izdeý jarııalanǵan Baqyt Ibragım Germanııadan ekstradıtsııalanǵan bolatyn. Ol «Bank RBK» AQ-nan asa iri kólemde aqshalaı qarajatty alaıaqtyq jolmen jymqyrdy degen kúdikke ilingen bolatyn.