Qazaq Air ushaǵy qalyń tumanǵa baılanysty Óskemen áýejaıyna qona almady

Reseıdiń Novosıbırsk qalasynan Óskemenge baǵyt alǵan ushaq 7 qańtar kúni Óskemende qalyń tuman saldarynan kórinýdiń nasharlaýyna baılanysty Astana qalasyndaǵy qosalqy aerodromǵa qondy, dep habarlaıdy Kazinform tilshisi.

Áýe kompanııasy baspasóz qyzmetiniń habarlaýynsha, dál osyndaı sebeppen Óskemen-Astana baǵytyndaǵy reıs toqtatyldy.

Novosıbırse-Óskemen reısiniń 68 jolaýshysyna tegin turatyn jer, qaıta brondaý jáne bıletterdi qaıtarý usynyldy. 48 jolaýshy qonaqúıge ornalastyryldy. Onyń ishinde 20 adam 10 qańtarǵa deıin ornalastyrylyp, bıletteri Astana-Óskemen reısine qaıta brondaldy.

Ushý 10 qańtarǵa josparlanǵan. 28 jolaýshy 8 qańtarǵa deıin jataqhanamen qamtamasyz etildi.

Qonaqúıge ornalastyrylǵan barlyq jolaýshylar 10 qańtarǵa deıin úsh mezgil tamaqpen qamtamasyz etilgen.

- Qalǵan jolaýshylar aqshalaryn qaıtarýdy surady. Qaıtarý jolaýshylardy tasymaldaý erejesine sáıkes jasaldy, - dep habarlaıdy Qazaq Air.