«Qazaq Air» ulttyq áýe kompanııasynyń jarty aktsııasy saýdaǵa shyǵarylmaq

Bul týraly búgin Ortalyq kommýnıkatsııalar qyzmetinde ótken baspasóz máslıxatynda «Qazaq Air» kompanııasy basqarma tóraǵasynyń qyzmetin atqarýshy Bler Pollok málim etti.

«Samuryq-Qazyna» aktsııanyń 100 paıyz ıegeri bolyp tabylady. Bolashaqta aktsııalardy satyp alatyn kompanııalardyń tizimin jarııalaǵymyz keledi. Aktsııanyń tek az bóligi satylady dep kútilýde. Ózimizdiń qyzmetimizge jeke kapıtaldyń quıylǵanyn qalaımyz. Jeke sektordy kompanııany basqarýǵa da, qarjylandyrýǵa da tarta alamyz», - dedi ol.

Degenmen B. Pollok satylym ýaqyty men ol saýdaǵa qatysatyn kompanııalardy ázirge ataı almady.

«Ol jeke tulǵalar bolýy yqtımal, xalyqaralyq áriptesterge de qýanyshty bolar edik. Olar xalyqaralyq avıatsııa tájirıbesin alyp keledi. Qazirgi ýaqytta biz aımaqtyq reıstermen aınalysamyz jáne oǵan rıza bolar edik», - dep atap ótti ol.

Qazaq Air kompanııasy aımaqtyq kompanııa bolyp tabylady jáne qazirgi ýaqytta tek Qazaqstannyń ishki reısterin damytýdy kózdeýde.