«QAZAQ AIR» taǵy satylymǵa shyǵaryldy

«Samuryq-Qazyna» AQ «QAZAQ AIR» kompanııasyn taǵy satylymǵa shyǵardy, dep habarlaıdy Kazinform. 

«Samuryq-Qazyna» AQ jańa ashyq eki kezeńdik konkýrs aıasynda «QAZAQ AIR» AQ aktsııalarynyń 49-dan 100 paıyzǵa deıin satý boıynsha konkýrs ótkizý bastalǵanyn habarlaıdy. Buǵan deıin, 2023 jylǵy 13 qarashada «QAZAQ AIR» AQ-ty jekeshelendirý boıynsha alǵashqy ashyq eki kezeńdik konkýrs ótkizilmedi dep tanyldy», - delingen qor saıtynda jarııalanǵan aqparatta.

Kompanııany jekeshelendirýdegi basty maqsat – onyń básekege qabilettiligin arttyrý, sonymen qatar básekelestik naryǵyndaǵy kvazımemlekettik sektordyń úlesin tómendetý.