QAZAQ AIR Shymkent pen Astana qalalaryn baılanystyrady
ASTANA. QazAqparat - QAZAQ AIR áýekompanııasy kóktemgi-jazǵy ushý kestesin jańartyp, 2017 jyldyń 26 naýryzynan bastap Shymkent - Astana - Shymkent baǵyttary boıynsha turaqty reısti jolǵa qoıdy, dep habarlaıdy QazAqparat.
"Budan bylaı Ońtústik Qazaqstan oblysy ortalyǵynyń turǵyndaryn aptasyna eki ret zamanaýı Bombardier Q400NextGen ushaqtarymen Astanaǵa tikeleı jetkizetinimizdi málimdeımiz", - delingen kompanııa baspasóz qyzmeti taratqan aqparatta.
Shymkentten sapar shegetin jolaýshylar bıletti 11 557 teńgeden bastap satyp alyp (áýejaı alymdarymen qosa eseptegende bir baǵyttaǵy bılet quny), Astanaǵa nebári 1 saǵat 55 mınýtta jete alady.
«Shyraıly Shymkent qalasynyń halqy tyǵyz ornalasqan, onymen qosa ekonomıkalyq jaǵynan joǵary damyǵan óńirlerdiń biri. QAZAQ AIR áýekompanııasy 2015 jyly qurylyp, atalmysh ortalyqty Almaty, Aqtóbe, Atyraý qalalarymen baılanystyryp úlgerdi. Al endi Ońtústik Qazaqstan óńirinen Astanaǵa tikeleı barýǵa bolatynyn, Shymkent otandyq habtardyń birine aınala bastaǵanyn jetkizgimiz keledi», - dep atap ketti QAZAQ AIR basqarma tóraǵasy Bler Pollok.
