Qazaq Air-di satý rásimi nege aıaqtalmaı jatqany belgili boldy

ASTANA. KAZINFORM – «Samuryq-Qazyna» AQ damý jáne jekeshelendirý jónindegi basqarýshy dırektory Saltanat Sátjan vetnamdyq kompanııanyń Qazaq Air-di satyp alý rásimi qashan aıaqtalatynyn naqtylady.

«Mamyr aıynda vetnamdyq SOVICO kompanııasymen tıisti qujatqa qol qoıdyq. Qazir kezde ınvestormen birlese tranzaktsıondy qujattardy pysyqtap jatyrmyz. Osy rásimderdi qyrkúıek aıyna deıin aıaqtaýǵa úlgermedik, biraq jyl sońyna deıin tolyq rásimdeımiz degen úmit bar. Atalǵan sheteldik ınvestormen tıisti jumystar atqarylyp jatyr. Jalpy, mamyrda aıtylǵan ýaǵdalastyq ózgergen joq», - dedi S. Sátjan Kazinform tilshisine bergen suhbatynda.

Onyń aıtýynsha, qazir atalǵan áýe kompanııasyn satý rásimine tıisti ýaqyt kerek.

«Bizdiń mendetimiz – kompanııany jaqsy strategııalyq ınvestorǵa satý. SOVICO quramynda VietJet Air aty loýkoster kompanııa bar. Sondyqtan kelisimshartty tıimdi aıaqtaý úshin birshama ýaqyt kerek. Olar Qazaq Air-diń qaryzyn jabýǵa qarsy emes», - dedi Samuryq-Qazyna» ókili.

Buǵan deıin QR Kólik vıtse-mınıstri Talǵat Lastaev Qazaq Air-di satý rásimi qyrkúıek aıynda aıaqtalatynyn aıtqan edi. 

Eske sala ketsek, byltyr Qazaqstan Vetnamnyń VietJet Air áýe kompanııasymen memorandým jasaǵan edi.