QAZAQ AIR áýe kompanııasynyń Almaty-Taraz baǵytyndaǵy reısi ashylady
ALMATY. QazAqparat - QAZAQ AIR áýe kompanııasy kóktem-jaz maýsymyna arnalǵan jańa ushý kestesine 2017 jyldyń 5 mamyrynan bastap, Almaty-Taraz-Almaty baǵytynda turaqty reısti engizdi, dep habarlaıdy QazAqparat tilshisi ÁK-nyń baspasóz qyzmetine silteme jasaı otyryp.
«Endi aptasyna eki ret, juma jáne jeksenbi kúnderi Almaty turǵyndary Qazaqstannyń eń kóne qalalarynyń biri - Tarazǵa «Bombardier Q400 NextGen» ushaǵymen saıahattaı alady», delingen habarladama.
Ushý uzaqtyǵy 55 mınýt bolatyn Almaty-Taraz reısine bılet quny - 12 041 teńge.
«QAZAQ AIR» - Qazaqstannyń ishki óńirlerine jolaýshylar tasymaldaıtyn áýe kompanııasy. Onyń 100 paıyz aktsııasy «Samuryq-Qazyna» Ulttyq ál aýqat qory» UK-ǵa tıesili.
