Qazaq Air áýe kompanııasy ushaqtaryn ushyrýǵa resmı ruqsat aldy
ASTANA. QazAqparat - Qazaq Air áýe kompanııasy ushaqtaryn ushyrýǵa resmı túrde ruqsat aldy. Bul aqparatty QR Investıtsııalar jáne damý mınıstrliginiń baspasóz qyzmeti rastady, dep habarlaıdy aeroport.kz.
Eske salaıyq, jańa áýe kompanııasynyń tanystyrylymy 6 shildede ótken bolatyn. Sol kezde biregeı tehnıkalyq sıpatymen, jolaýshylarǵa yńǵaıly ári qolaılylyǵymen erekshe Bombardier Dash 8 Q400 eki qozǵaltqyshty, týrbovıntti ushaq - alǵashqy borty kórsetilgen bolatyn. Qazaq Air-diń baǵyttar jelisi 12 marshrýttan turady, olardyń basym bóligi Qazaqstan óńirleri arasynda ushyrylady.
Osyǵan deıin Qazaq Air laınerleri 20 shildeden bastap kókke kóterile bastaıdy, dep málimdelgen edi. Alaıda ol ruqsat berý qujattarynyń bolmaýynan tamyzdyń basyna qaldyryldy. Áýe kompanııasynyń tuńǵysh reısi Almaty-Pavlodar baǵyty boıynsha ushady.
