«Qazaq Air» áýe kompanııasy ushaqtarymen 900-den astam jolaýshy ushty (FOTO)
ASTANA. QazAqparat - 27 tamyzda «Qazaq Air» AQ aımaqtyq baǵyttar boıynsha (Astana, Almaty, Shymkent, Pavlodar qalalary) jolaýshylardy tasymaldaýdy bastady, dep habarlaıdy «Samuryq Qazyna» UÁQ» AQ baspasóz qyzmetinen.
28 tamyzda áýe kompanııasy Almatydan Pavlodarǵa alǵashqy reısti oryndady, al 30 tamyzda Shymkent-Pavlodar-Shymkent reısin oryndady. «Pavlodar áýejaıy» AQ basqarma tóraǵasy Vladımır Ivanovıch ıÝdınniń aıtýynsha, Pavlodar men Shymkent qalalarynyń arasyndaǵy áýe qatynasy 10 jyldan astam ýaqyt bolmaǵan jáne «Qazaq Air» aımaqtyq áýe kompanııasy ony qalpyna keltirgen alǵashqy áýe kompanııasy boldy. Alǵashqy bes kún ishinde aımaqtyq tasymaldaýshynyń qyzmetin 900-den astam jolaýshy paıdalandy. «Qazaq Air» AQ - Qazaqstandaǵy aımaqtyq baǵdarlar boıynsha qyzmet kórsetetin jańa áýe kompanııasynyń aktsııalarynyń 100% «Samuryq-Qazyna» AQ-na tıesili.
