Qazaq AIR áýe kompanııasy Samsung Galaxy Note 7 qurylǵysyn alyp júrýge tyıym saldy
ALMATY. QazAqparat - QAZAQ AIR áýekompanııasy jolaýshylaryna «Samsung Galaxy Note 7» smartfonyn bort ishinde qosý, qoldaný jáne de qýattandyrýdan bas tartýǵa keńes beredi. Sonymen qatar, Samsung Galaxy Note 7 qurylǵysyn tirkelgen júkpen alyp júrýge bolmaıtynyn habarlady.
«Samsung Electronics kompanııasy, Áýe Transportynyń Halyqaralyq Qaýymdastyǵy (IATA) men QR Azamattyq avıatsııa komıteti Samsung Galaxy Note 7 mobıldi qurylǵysyna qatysty jarııalaǵan resmı málimdeme negizinde, QAZAQ AIR áýekompanııasy jolaýshylaryna atalǵan qurylǵyny bort ishinde qosý, qoldaný jáne de qýattandyrýdan bas tartýǵa keńes beredi. Sonymen qatar, Samsung Galaxy Note 7 qurylǵysyn tirkelgen júkte ótkizýge bolmaıtynyn habarlaıdy», delingen habarlamada.
QAZAQ AIR kompanııasy atalǵan qurylǵy isten shyǵyp, ózdiginen qyzyp, tútindeı bastasa nemese joǵalyp ketken jaǵdaıda, áýe bortynyń ekıpajyna habarlaýdy suraıdy.
Áýe kompanııasy bul shara Samsung Galaxy Note 7 qurylǵysynyń ózdiginen janýynyń jıileýine jáne óndirýshiniń taýardy keri shaqyrtýyna baılanysty ekenin málimdedi.
Eske sala keteıik, 13 qyrkúıek kúni Air Astana jolaýshylaryna ushaq bortynda Samsung Galaxy Note 7 qurylǵysyn qoldanýǵa tyıym salǵan.
