«Qazaq Air» áýe kompanııasy bıletterdi onlaın brondaýǵa bolatyn resmı saıtyn iske qosty
ASTANA. QazAqparat - Qazaqstandyq «Qazaq Air» jańa áýe kompanııasy bıletterdi brondaý tetigi bar óziniń resmı saıtyn («flyqazaq.com») iske qosty.
Veb-resýrstyń basty betinde áýe kompanııasy mysal retinde birneshe baǵyttardy kórsetken. Atap aıtqanda, Almaty-Astana men Almaty-Shymkent baǵdarlaryn 10 495 teńgeden, sondaı-aq Almaty-Pavlodar baǵdaryn 10 916 teńgeden belgilegen eken.
«Qazaq Air» AQ - Qazaqstandaǵy ishki baǵdarlarǵa qyzmet kórsetýge negizdelgen aımaqtyq áýe kompanııasy. Onyń 100 aktsııasy «Samuryq-Qazyna» qorynyń ıeliginde. Kompanııa bıylǵy sáýirde tirkeýden ótti. «Qazaq Air» áýekompanııasy ushý qaýipsizdiginiń eń joǵary halyqaralyq jáne ulttyq talaptaryna sáıkes, týrbovıntti ushaqtardy paıdalanady.
