Qazaq Air Astanadan Novosibirge áýe qatynasyn jańartady

Qazaq Air áýekompanııasy 15 qańtardan bastap Astanadan Novosibirge áýe qatynasyn jańartady, dep habarlaıdy Kazinform. 

Áýekompanııa 2024 jylǵy 15 qańtardan bastap Astana-Novosibir marshrýty boıynsha áýe reısteriniń jańartylǵany týraly málimdedi.

«Reıster kanadalyq de-Havilland Dash 8-Q400 jańa generatsııalanǵan áýe kemesinde aptasyna 2 ret dúısenbi jáne juma kúnderi kelesi keste boıynsha oryndalady (jergilikti ýaqyt boıynsha): IQ 5005 Astana 20:40 - Novosibir 23:30; IQ 5006 Novosibir 00:30 - Astana 01:20», - dep habarlady kompanııanyń baspasóz qyzmeti.

Áýekompanııanyń atap ótýinshe, Qazaqstan men Reseı arasyndaǵy áýe qatynasyn jańartý – eki el arasyndaǵy saýda-ekonomıkalyq, týrıstik jáne mádenı-iskerlik yntymaqtastyqty odan ári damytýǵa yqpal etetin bolady.