«Qazaq Air» aktsııalaryn satý boıynsha qaıta júrgizilgen konkýrs ótpeı qaldy
ASTANA. KAZINFORM – 2024 jylǵy 9 qańtarda jarııalanǵan «QAZAQ AIR» AQ-nyń 49%-dan 100%-ǵa deıingi aktsııalaryn satý boıynsha qaıta júrgizilgen ashyq eki kezeńdi konkýrs ótkizilmedi.
Osy arqyly «Samuryq-Qazyna» AQ konkýrs sharttaryna sáıkes keletin konkýrstyq ótinimderdiń bolmaýyna baılanysty 2024 jylǵy 9 qańtarda jarııalanǵan «QAZAQ AIR» AQ-nyń 49%-dan 100%-ǵa deıingi aktsııalaryn satý boıynsha qaıta júrgizilgen ashyq eki kezeńdi konkýrstyń ótkizilmegeni týraly habarlaıdy.
«Samuryq-Qazyna» AQ «KPMG Taks end Edvaızorı» JShS táýelsiz konsýltant kómegimen «Samuryq-Qazyna» AQ Dırektorlar keńesiniń 2020 jylǵy 14 jeltoqsandaǵy № 181 sheshimimen bekitilgen «Samuryq-Qazyna» AQ-nyń jáne daýys beretin aktsııalarynyń (qatysý úlesteriniń) elý jáne odan kóp paıyzy menshik nemese senimgerlik basqarý quqyǵymen «Samuryq-Qazyna» AQ-ǵa tikeleı nemese janama tıesili uıymdardyń aktsııalaryn básekeles ortaǵa berý qaǵıdalarynyń normalaryna sáıkes «QAZAQ AIR» AQ-yn básekelestik ortaǵa berý máselesin pysyqtaý boıynsha odan ári sharalar qabyldaıdy.
