Qazagstan Barysy Grand Slam týrnırinde Qazaqstan qorjynyna qos qola medal tústi
ASTANA. QazAqparat – Danııar Shamshaev pen Asqar Narqulov Astanada ótip jatqan Qazagstan Barysy Grand Slam týrnıriniń qola júldegeri atandy, dep habarlaıdy QazAqparat tilshisi.
D. Shamshaev 73 kelige deıingi salmaqta otandasy Jansaı Smaǵulovpen tatamıge shyqty.
21 jastaǵy Danııar Azııa chempıony bolsa, jasy otyzdan asyp ketken Jansaıdyń ataq-dárejesi bir basyna jeterlik.
Beldesý barysynda vazarı ádisimen alǵa shyqqan D. Shamshaev sol basymdylyqty ýysynan shyǵarǵan joq.
Taǵy bir qazaqstandyq, 23 jastaǵy Asqar Narqulov dál osy salmaqta qola júlde úshin básekede ózinen eki jasqa kishi grýzııalyq Djordjı Terashvılımen kúresti. Bul jekpe-jekte qatelikke jol bergen grýzııalyq sportshy jarystan shettetilip, jeńis A. Narqulovqa berildi.
Osylaısha, eki kúnniń qorytyndysy boıynsha Qazaqstan qorjynynda 1 altyn, 1 kúmis, 2 qola medal bar.
Eske sala keteıik, budan buryn Maǵjan Shamshadınniń Qazagstan Barysy Grand Slam týrnıriniń chempıony atanǵanyn jazǵan bolatynbyz.
Al, Ǵusman Qyrǵyzbaev Qazagstan Barysy Grand Slam týrnıriniń kúmis júldegeri atandy.
Sondaı-aq, úsh qazaqstandyq Qazagstan Barysy Grand Slam týrnıriniń «qolasyna» talasatyny habarlandy.
