Qazagstan Barysy Grand Slam týrnıri: tórt qazaqstandyq qola medal úshin tatamıge shyǵady
ASTANA. QazAqparat – Astanada dzıýdodan ótip jatqan Qazagstan Barysy Grand Slam týrnırinde tórt qazaqstandyq sportshy qola medal úshin talasady, dep habarlaıdy QazAqparat tilshisi.
Álemdik dodalarda júlde alyp júrgen 34 jastaǵy Islam Bozbaev 100 kelige deıingi salmaqta jarysty sátti bastaǵanymen, shırek fınalda belgııalyq Toma Nıkıforovqa jol berdi.
Degenmen, ol qola júlde úshin kúresýge múmkindik aldy.
Osy salmaqta 22 jastaǵy dzıýdoshy, jasóspirimder olımpıadasynyń jeńimpazy Bekarys Sádýaqas fınalǵa shyǵýǵa jaqyn turdy. Alaıda, ol jartylaı fınalda BAÁ sportshysy Djafar Kostoevtan utylyp qaldy.
Endi Islam men Bekarys qola júldeni ózara sarapqa salady.
Sondaı-aq, Ǵalymjan Qyryqbaı 100 keliden astam salmaqta qola júlde úshin grýzııalyq Saba Inaneıshvılımen beldesedi.
Al, áıelder arasynda Aqerke Ramazanova (+78 kg) Nıderland sportshysy Karen Stıvensonmen taǵy bir qola medal úshin synǵa túsedi.
Fınaldyq beldesýler «Barys Arena» stadıonynda elorda ýaqytymen saǵat 17.00-de bastalady.
Eske sala keteıik, budan buryn Qazagstan Barysy Grand Slam týrnırinde Qazaqstan qorjynyna qos qola medal túskenin jazǵan bolatynbyz.
