Qazagstan Barysy Grand Slam týrnıri: qazaqstandyq dzıýdoshylar taǵy úsh qola júldeni jeńip aldy

Jarystyń sońǵy kúni qos qazaqstandyq, 34 jastaǵy Islam Bozbaev pen odan 12 jasqa kishiligi bar Bekarys Sádýaqas 100 kelige deıingi salmaqta qola júlde úshin tatamıge shyqty. Bul básekede tájirıbesi mol I. Bozbaev bir mınýt óter-ótpeste qarsylasyn ıppon ádisimen taza jeńdi.

Áıelder arasynda Aqerke Ramazanova (+78 kg) Nıderland sportshysy Karen Stıvensonmen qola medal taǵdyryn sheshti. Álemdik reıtıngte nıderlandylyq dzıýdoshy 22-orynda bolsa, 22 jastaǵy Aqerke 54-satyda edi. Qazaqstandyq sportshy bir mınýtqa jetkizbeı, K.Stıvensondy taza utty. Bul - A. Ramazanovanyń Grand Slam týrnırindegi alǵashqy medali.

Taǵy bir qazaqstandyq Ǵalymjan Qyryqbaı 100 keliden astam salmaqta grýzııalyq Saba Inaneıshvılımen beldesti. Eki balýan da buǵan deıin Grand Slam jarysynda qola alǵan edi. Ǵalymjan ádemi ádis qoldanyp, S. Inaneıshvılıdiń jaýyrynyn jerge tıgizdi.

Osylaısha, Qazaqstan dzıýdo quramasy Qazagstan Barysy Grand Slam dodasyn 1 altyn, 1 kúmis jáne 5 qola medalmen aıaqtady.

Jarys nátıjesinde IJF erejelerine sáıkes jeńimpaz-júldegerler arasynda álemdik jáne olımpıadalyq reıtıngterde upaılar bólinedi. Atap aıtqanda, chempıondarǵa 1000, 2 oryn úshin – 700, al qola júldegerge 500 upaı beriledi.

Eske sala keteıik, budan buryn Qazagstan Barysy Grand Slam týrnırinde Qazaqstan qorjynyna qos qola medal túskenin jazǵan bolatynbyz.

Qazagstan Barysy Grand Slam týrnırinde tórt qazaqstandyq qola medal úshin tatamıge shyǵatyny habarlandy.