Qatar Energy gaz jetkizilimine qatysty fors-major jarııalady
ASTANA. KAZINFORM — Memlekettik Qatar Energy kompanııasy suıytylǵan tabıǵı gaz (STG) óndirisiniń toqtatylýyna baılanysty fors-major jarııalady jáne tutynýshylarǵa óz mindettemelerin oryndaı almaıtyndyǵy týraly habarlady.
Qatarlyq gaz óndirýshi aktsıonerlermen qarym-qatynasyn baǵalaıtynyn jáne kompanııany jaǵdaı týraly habardar etip otyratynyn atap ótti.
Reuters agenttiginiń habarlaýynsha, kompanııaǵa óndiristi jáne gaz eksportyn qalpyna keltirý úshin kem degende bir aı qajet bolady.
Aıta ketý kerek, Qatar álemdegi eń iri STG eksporttaýshy úsh eldiń biri.
Buǵan deıin Iran drondary Qatar Energy kompanııasynyń óndiristik nysandaryna shabýyl jasap, kompanııanyń gaz óndirisin toqtatýyna sebep bolǵany týraly habarlanǵan bolatyn.
Sondaı-aq, Saýd Arabııasynyń eń iri munaı óńdeý zaýyty Saudi Aramco-daǵy jumystyń dron shabýylyna baılanysty toqtatylǵanyny belgili boldy.