Qatar Airways ushaǵy óz tarıhyndaǵy eń uzaq reıske shyǵady
ASTANA. QazAqparat - Qatar Airways ushaǵy óz tarıhyndaǵy eń uzaq ushýǵa daıyndyq ústinde, ushý barysynda áýe kemesi on túrli saǵattyq beldeýlerden ótedi, dep habarlaıdy RIA Novostı Independent basylymyna silteme jasap.
Basylymnyń habarlaýynsha, jeksenbi kúni 5 aqpanda, tańǵy 05.10-da Doha qalasynyń áýejaıynan shyqqan ushaq dúısenbi kúni tańǵy 07.30-da Jańa Zelandııanyń Okland qalasyna qonady. Ushý ýaqyty «bar bolǵany» 16 saǵat 20 mınýtty quraıdy, alaıda saǵattyq beldeýlerdiń aýysýynan bir jarym kúnge «sozylady».
Qatar Airways kompanııasynyń bul rekordyn 2018 jyly sıngapýrlyq áýe kompanııalary jańartýy múmkin. Olar Sıngapýr-Nıý-Iork baǵyty boıynsha toqtaýsyz, tikeleı reıs ashýdy josparlaýda. Oǵan deıin Dýbaıdan Okland qalasyna ushý eń uzaq bolyp sanalǵan edi.
