Qarmet uıymdastyrǵan Kenshiler kúnine arnalǵan kontsertke 120 myńnan astam adam jınaldy
QARAǴANDY. KAZINFORM – Qaraǵandyda el tarıhyndaǵy eń aýqymdy kontsertterdiń biri ótti. Aımaqtyń basty merekesi – Kenshiler kúnine arnalǵan bul sharaǵa qala ortalyǵynda 120 myńnan astam kórermen jınaldy. Myńdaǵan adam alańǵa aǵylyp, merekeniń bir bóligine aınaldy. Sahnada Qazaqstan men Reseıdiń estrada juldyzdary óner kórsetip, keshtiń sharyqtaý sátinde qaraǵandylyqtar alǵash ret Ziverttiń tikeleı kontsertin tamashalady.
Keshe Qaraǵandy ashyq aspan astyndaǵy alyp kontsert alańyna aınaldy. Qalanyń basty alańqaıyna jınalǵan halyq Kenshiler kúnin shyn máninde aıryqsha kóńil-kúımen atap ótti.
– Bul – ómirimde kórgen eń áserli kontsert. Aýqymy da, deńgeıi de teńdessiz. Qarmet-ke raqmet aıtamyz, - dedi qala turǵyny Abaı Jumabaev.
Merekelik kóńil-kúı qalaǵa erekshe tynys berdi. Jurtshylyq otbasymen, dostarymen kelip, alańda shattyqqa toly atmosferada qaýyshty. Qonaqúılerde bul kúnderi bos oryn qalmady. Sebebi kórermender tek Qaraǵandy oblysynan ǵana emes, elimizdiń ózge óńirlerinen de keldi.
Juldyzdarǵa toly sahna
Kórermenderdi tanymal ónerpazdar – AYAU, Sadraddin, «Irına Kaıratovna» toby qýantty. Al keshtiń basty tosynsyıy – is-sharaǵa Ziverttiń qatysýy boldy. Ol qaraǵandylyqtar aldynda alǵash ret óner kórsetti. Onyń sahnaǵa shyǵýy alańdy dúr silkindirip, ár áni kórermenderdiń jappaı qosyla shyrqaýymen aıryqsha sıpat aldy.
– Qaraǵandy mundaı merekeni kópten kútken edi. Atmosfera erekshe áser qaldyrdy. Bul – ómirimdegi eń jarqyn kún. Osyndaı sharalar jıi bolsa eken, - dedi kontsertke qatysýshylardyń biri.
Óńir qalalaryn qamtyǵan estafeta
Qarmet merekelik baǵdarlamany tek Qaraǵandymen shektemeı, ózge kenshiler qalalarynyń turǵyndaryna da syıǵa tartty. 30 tamyzda Qarajalda Álı Oqapov, Urker jáne Dılnaz Ahmadıeva óner kórsetse, kelesi kúni mereke Shahtınsk, Saran jáne Abaı qalalarynda jalǵasady. Bul alańdarda Alem, Aıqyn men Maqpal Isabekova kenshilerge arnap án shyrqaıdy.
Ár kontsertte shahterlerge – eldiń energetıkalyq qaýipsizdigin qamtamasyz etip júrgen azamattarǵa erekshe qurmet kórsetildi. Al kesh sońyn aspandy túrli túske boıaǵan otshashý aıshyqtady.
Qarmet-ten tosynsyılar men birlik rýhy
Kompanııa merekelik sharany tek án-kúımen shektemeı, PlayStation 5 utys oıynyn da uıymdastyrdy. Myńdaǵan kórermen áleýmettik jelide kontsertten foto men beınejazba bólisip, baıqaýǵa qatysty. Jeńimpazdar 2 qyrkúıekte tikeleı efırde jarııalanady.
Alaıda kópshilik úshin basty syı – merekeniń ózi boldy.
– Barlyq kenshini kásibı merekesimen quttyqtaımyn. Búgin búkil oblys úshin asa mańyzdy kún. Ár otbasynda osy kásippen baılanysty adam bar. Kontsert minsiz ótti. 120 myńnan astam adam jınaldy. ıAǵnı Qaraǵandynyń árbir besinshi turǵyny osy alańda boldy. Bul – shyn máninde ǵajaıyp. Qarmet kompanııasyna osy merekeni uıymdastyrǵany úshin jáne óńirde bolyp jatqan oń ózgerister úshin zor alǵysymdy aıtqym keledi, - dedi Qaraǵandy qalasy Ýrbanıstıka ortalyǵynyń dırektory Valerııa Hasýeva.
Eńbek pen dástúrdi ulyqtaǵan mereke
Qarmet úshin Kenshiler kúni – kúntizbedegi jaı ǵana data emes. Bul – shahterlerdiń mańdaı teri men eńbegine taǵzym etý, olardyń qoǵam aldyndaǵy ólsheýsiz rólin moıyndaý. Myńdaǵan kórermendi biriktirgen aýqymdy kontsertter, juldyzdardyń óneri men tosynsyılar merekeni tarıhı oqıǵaǵa aınaldyrdy.
Keshe Qaraǵandy aspanynda án áýelep, halyq shattyqqa bólendi. Al kenshilerge eń basty syı – aýyr da mártebeli eńbekterine degen halyqtyń qurmeti men alǵysy.