Qarmet-tegi qylmys boıynsha 20-dan astam adam sottaldy

ASTANA. KAZINFORM –  Uıymdasqan qylmystyq top «ArselorMıttal Temirtaý» (Qarmet) aýmaǵynda 2022 jyldyń maýsymynan 2023 jyldyń naýryzyna deıin áreket etken, dep habarlaıdy Kazinform agenttigi Astana qalasy sotynyń baspasóz qyzmetine silteme jasap.

Astana qalasynyń qylmystyq ister jónindegi mamandandyrylǵan aýdanaralyq soty:

uıymdasqan topty qurý jáne basshylyq etý, oǵan qatysý (QK 262-babynyń 1, 2-bólikteri);

adamdar tobynyń aldyn ala sóz baılasýymen qorqytyp alý (QK 194-baby 2-bóliginiń 2) tarmaǵy);

birneshe ret iri jáne asa iri mólsherde úı-jaıǵa zańsyz kirýmen, onyń ishinde qylmystyq top jáne adamdar tobymen jasalǵan urlyq jáne urlyqqa oqtalý (QK 188-baby 4-bóliginiń 1) tarmaǵy, 24-babynyń 3-bóligi – 188-baby 4-bóliginiń 1, 3) tarmaqtary, 188-baby 3-bóliginiń 1, 2, 3)-tarmaqtary, 24-babynyń 3-bóligi – 188-baby 3-bóliginiń 1, 2 ,3)-tarmaqtary, 188-baby 2-bóliginiń 1) tarmaǵy);

jekeshe kúzet qyzmetteri qyzmetshileriniń ókilettikterin asyra paıdalaný (QK 252-babynyń 2-bóligi (2016 jylǵy redaktsııada);

bılik ókiliniń densaýlyǵyna zııan keltirý (QK 380-babynyń 2-bóligi (2016 jylǵy redaktsııada) boıynsha 24 adamǵa qatysty úkim jarııalady.

Aıyptaýdyń máni

H. men T., 2022 jyldyń maýsymy men 2023 jyldyń naýryzy aralyǵynda uıymdasqan top quryp jáne basshylyq etken, Q. men M. qylmystyq top quramynda áreket etip, kúzet agenttiginiń kúzetshisi bola tura, Qaraǵandy oblysynyń aýmaǵynda «ArselorMıttal Temirtaý» AQ-nyń qola buıymdaryn, shvellerlerin, ystyqtaı ılengen prokattaryn, myryshtalǵan tabaqtaryn, relsterin júıeli túrde urlaýmen aınalysqan.

A., M., B., D., E., A., J., J., K., M., M., S., S., M., Sh., B., J., D., J., ıaǵnı qalǵan 20 adam «ArselorMıttal Temirtaý» AQ-nyń múlikterin aldyn ala sóz baılasý arqyly adamdar tobynda iri jáne asa iri mólsherde urlaǵan jáne urlaýǵa oqtalǵan.

Sondaı-aq, H.jáne T., qylmys quramynda, T. sonymen qatar, adamdar tobynyń aldyn ala sóz baılasýymen qorqytyp alýshylyq jasaǵan.

Sonymen qatar, H. jáne J. 2016 jyldyń maýsymynda kúzet agenttiginiń kúzetshileri bola otyryp, qarý qoldaný arqyly óz ókilettikterin óz qyzmetiniń mindetterine qaıshy paıdalanǵan, J. sonymen qatar óziniń qyzmettik mindetterin oryndaýyna baılanysty bılik ókiliniń ómiri men densaýlyǵyna qaýipti kúsh qoldanǵan, al H. densaýlyqqa qasaqana zııan keltirgen.

Shahtınskide Qarmet qyzmetkerlerin, turǵyndardy bopsalaǵan bir top jas jigit ustalǵanyn jazǵan bolatynbyz.