Qarmet metallýrgııa zaýytynda merdiger uıymnyń eki jumysshysy qaza tapty
ASTANA. KAZINFORM – Temirtaýda Qarmet metallýrgııalyq kombınatynda merdiger mekemeniń eki qyzmetker qaza tapty. Olar tabaqsha metall ılemdeý tsehynda bólshekteý jumystary kezinde bıikten qulaǵan.
«2024 jyly 25 tamyzda Qaraǵandy oblysynyń Temirtaý qalasynda Qarmet AQ LPTs-2 (№2 Lıstoprokat tsehy) nysanynda qaıǵyly oqıǵa oryn aldy. Tańǵy saǵat 9:20 shamasynda hımııalyq ustaý blogynyń shatyryn bólshekteý kezinde bıik jerde tehnıka qaýipsizdigi erejelerin saqtamaý saldarynan "Qazmehanomontaj" JShS merdigerlik uıymynyń eki qyzmetkeri qulady», - dep habarlady Qarmet AQ baspasóz qyzmeti.
Ókinishke qaraı, 2005 jyly týǵan D. Imanǵalıev jáne 1986 jyly týǵan ıÝ. Samoılov alǵan jaraqattarynan qaıtys boldy.
Sondaı-aq, kompanııa qaıǵyly oqıǵanyń sebepteri men mán-jaıyn tergeý úshin arnaıy komıssııa qurylǵanyn habarlady.
