Qarakesek laqap atymen tanymal ánshiniń isi sotqa tústi

AQTÓBE. KAZINFORM – Omar Amantaevqa Qylmystyq kodekstiń «Eskirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» baby boıynsha aıyp taǵylyp otyr. Sot otyrysy kelesi aptada ótedi.

Aqtóbe oblystyq soty baspasóz qyzmetiniń habarlaýynsha, ánshi Omar Amantaevtyń isi №2 Aqtóbe qalalyq sotynda qaralady. Basty sot talqylaýy 18-aqpan saǵat 14:30-ǵa belgilengen.

Sot kabınetindegi aqparatqa súıensek, ánshige Qylmystyq kodeksiniń 296- babynyń 3-bóligimen aıyp taǵylyp otyr. Sotqa deıingi is júrgizý barysynda qylmystyq-protsestik zańdy buzýǵa jol berilmegen. Aıyptalýshy hattamamen jáne is materıalymen tanysqan. Eshqandaı da aryz, ótinish berilmegen.

Eske salsaq, byltyr kúzde Aqtóbede eskirtkige mas kúıinde kólik júrgizgen rep oryndaýshysy Qarakesek ustaldy. Ol 15 táýlikke qamaldy jáne ol 7 jyl kólik júrgize almaıdy.

Sonymen qatar esirtki quraldaryn zańsyz paıdalaný deregi boıynsha qylmystyq is qozǵaldy.

Qylmystyq kodeksiniń 296- babynyń 3-bóligimen taǵylǵan aıyp dálelin tapsa, ánshige 200 AEK deıingi mólsherde aıyppul salynady nemese 200 saǵat jumysqa tartylady. Tipti 50 táýlikke qamalýy da múmkin.