Qarakesek laqap atymen tanymal ánshige úkim shyqty
AQTÓBE. KAZINFORM — Omar Amantaev sotta ózine taǵylǵan aıypty moıyndady. Eskirtki zatyn taýyp alyp, saqtaǵany úshin 100 saǵat qoǵamdyq tartylady. Sonymen birge psıhıatrdan em alýy tıis.
Aqtóbe qalalyq sotynda Qarakesek laqap atymen tanymal ánshi Omar Amantaevtyń isi qaraldy. Oǵan Qylmystyq kodekstiń 293-baby 3-bóligimen aıyp taǵyldy.
— Bir dana polıetılen pakettegi psıhotropty zat mefedrondy taýyp alyp, ári qaraı ótkizý maqsatynsyz ıemdenip, saqtaǵan. 2025 jyldyń 30 tamyzynda Omar Amantaev esirtkilik masań kúıde bola tura kólik basqaryp, ustaldy. Odan jalpy salmaǵy 0,26 gr bolatyn psıhotropty zat mefedron tabyldy. 4 qyrkúıek kúni saraptama qorytyndysyna sáıkes zertteýge usynylǵan aq tústi zattyń mefedron ekeni anyqtaldy. Qylmystyq kodekstiń 296-baby 3-bóliginde kózdelgen qylmystyq teris qylyq jasaǵany úshin aıyptalyp otyr, — dedi sýdıa T. Salıkov.
Sot otyrysynda ánshi ózine taǵylǵan aıypty moıyndap, esirtki zatyn birneshe kún buryn taýyp alyp, saqtaǵanyn aıtty.
— Kinámdi tolyq moıyndaımyn, aıyppen kelisemin. Satý maqsaty bolmady. Emdelý kerek bolyp júr. Ókinemin. Aıyppul jazasyn suraımyn, — dedi sottalýshy.
Prokýror aıyppul taǵaıyndaýǵa eshqandaı negiz joq dep sanaıtynyn aıtty. Qylmystyq teris qylyq jasaǵany úshin kináli dep tanyp, 100 saǵat qoǵamdyq jumysqa tartý jazasyn taǵaıyndaýdy surady.
— Omar Amantaev Qylmystyq kodekstiń 296-baby 3-bóligimen kináli dep tanylsyn. Oǵan osy bap boıynsha 100 saǵatqa qoǵamdyq jumysqa tartý túrindegi jaza taǵaıyndalsyn. Jergilikti atqarýshy organǵa tegin paıdaly jumys túrin belgileý júktelsin. Qoǵamdyq jumysqa tartylýyn qadaǵalaý probatsııalyq qyzmetke júktelsin, — dedi sýdıa T. Salıkov.
Sonymen birge Omar Amantaev psıhıatrdan em alýy tıis. Em ambýlatorııalyq ári májbúrli bolýy kerek. Ánshi qoǵamdyq jumystan bas tartsa 4 saǵaty úshin 1 táýlikke qamaqqa alynady.
Onyń tórt baǵasy bar. Úlkeni 7-de bolsa, kishisi jasqa endi tolady.
Omar Amantaev norkologııalyq, psıhıatrlyq esepte turmaıdy.
Eske salsaq, byltyr kúzde Aqtóbede eskirtkige mas kúıinde kólik júrgizgen rep oryndaýshysy Qarakesek ustaldy. Ol 15 táýlikke qamaldy jáne ol 7 jyl kólik júrgize almaıdy. Sonymen qatar esirtki quraldaryn zańsyz paıdalaný deregi boıynsha qylmystyq is qozǵaldy.