Qarakesek laqap atymen tanymal ánshi sotqa májbúrlep jetkiziledi

AQTÓBE. KAZINFORM — Búgin aıyptalýshy Omar Amantaev sot otyrysyna ýaqytyn bilse de kelmeı qaldy. 

Aqtóbe qalalyq sotynda aıyptalýshy Omar Amantaevqa qatysty sot otyrysy bastaldy. Qarakesek laqap atymen tanymal ánshige Qylmystyq kodekstiń 296-baby 3-bóligi boıynsha aıyp taǵylyp otyr. Alaıda ol búgin sot otyrysyna kelmedi. Aldymen qorǵaýshysy arqyly birneshe mınýtqa keshigetinin habarlaǵanymen, keıin múlde qatyspaıtyny belgili boldy.

— Sot otyrysy kúni men ýaqytyn bile tura kelmedi. Keshigip kele jatqanyn aıtqan soń úzilis te jarııalandy. Alaıda sotqa dálelin keltirmedi. Qylmystyq-protsestik kodekstiń 157-baby negizinde sottalýshy Omar Amantaev sot otyrysyna májbúrlep jetkizilsin. Sot otyrysy 19-aqpan saǵat 15:30–ǵa belgilensin, — dedi sýdıa T. Salıkov.

Eske salsaq, byltyr kúzde Aqtóbede eskirtkige mas kúıinde kólik júrgizgen rep oryndaýshysy Qarakesek ustaldy. Ol 15 táýlikke qamaldy jáne ol 7 jyl kólik júrgize almaıdy.

Sonymen qatar esirtki quraldaryn zańsyz paıdalaný deregi boıynsha qylmystyq is qozǵaldy. 

Qylmystyq kodeksiniń 296- babynyń 3-bóligimen taǵylǵan aıyp dálelin tapsa, ánshige 200 AEK deıingi mólsherde aıyppul salynady nemese 200 saǵat jumysqa tartylady. Tipti 50 táýlikke qamalýy da múmkin.