Qarakesek laqap atymen tanymal ánshi sot úkimin oryndaı bastady
AQTÓBE. KAZINFORM — Aqtóbe qalasy Almaty aýdany ákimdigi Omar Amantaevty kóshe tazalyǵyna jaýapty merdigerge tapsyrdy. Qazirgi kezde ol jumysqa kirisken.
Aqtóbe qalasy ákiminiń baspasóz qyzmetiniń habarlaýynsha, sot úkimi Almaty aýdany ákimdigine tústi. Aýdan ákimdigi saıabaq, kóshe, aıaldama tazalyǵyna jaýapty Damu Life JShS-ne jiberdi.
Damu Life basshysy Jandos Erekeshovtiń aıtýynsha, Qarakesek laqap atymen tanymal ánshi Omar Amantaev Naýryz meıramdarynan keıin jumysqa kirisken.
— Maǵan baǵyttaǵany ras. Kóshe tazalaýshy bolyp jumys istep jatyr. Belgilengen 100 saǵatta da bizde jumys isteıdi. Biraq men óz jumysshylarym týraly basqa aqparat bere almaıdy. Bizdiń kompanııa Aqtóbe qalasynyń Zarechnyı turǵyn alabyna jaýapty. Munda aıaldamalardy, jaıaý júrginshiler jolyn, saıabaqtardy tazalaý jumysyn júrgizemiz, — dedi Jandos Erekeshov.
Eske salsaq, byltyr kúzde Aqtóbede eskirtkige mas kúıinde kólik júrgizgen rep oryndaýshysy Qarakesek ustaldy. Ol 15 táýlikke qamaldy jáne ol 7 jyl kólik júrgize almaıdy. Sonymen qatar esirtki quraldaryn zańsyz paıdalaný deregi boıynsha qylmystyq is qozǵaldy. Omar Amantaev sotta ózine taǵylǵan aıypty moıyndady.
Esirtki zatyn taýyp alyp, saqtaǵany úshin 100 saǵat qoǵamdyq tartylady. Sonymen birge psıhıatrdan em alýy tıis.
