Qarakesek esirtki quraldaryn zańsyz paıdalanǵany úshin jaýapqa tartylady
AQTÓBE. KAZINFORM — Qazirgi kezde tergeý jalǵasyp jatyr. Qarakesek laqap atymen tanymal Omar Amantaev eshqaıda ketpeý týraly qolhatpen jiberildi.
Aqtóbe oblystyq polıtsııa departamenti ákimshilik ispen qatar qylmystyq isti de qozǵaǵan. Qyrkúıek aıynyń basynda mas kúıinde «Kia Rio» kóligin júrgizgen rep oryndaýshysy endi Qylmystyq kodekstiń «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» baby boıynsha jaýapqa tartylýy múmkin.
Aqtóbe oblystyq PD baspasóz qyzmetiniń habarlaýynsha, qazir Qarakesek eshqaıda ketpeý týraly qolhatpen bostandyqta júr. Eger is sotqa jetip, onyń kinási dáleldense 160 AEK-ke deıingi mólsherde aıyppul salynady nemese 160 saǵatqa deıingi merzimge túzetý jumystaryna tartylady. Qylmystyq is boıynsha 40 táýlikke qamaqqa alynýy da múmkin.
Buǵan deıin Qarakesek laqap atymen tanymal Omar Amantaev esirtkige mas kúıinde kólik basqarǵany úshin 15 táýlikke qamaldy jáne ol 7 jyl kólik júrgize almaıdy. Ol ákimshilik is boıynsha 15 táýlik qamaqta otyrdy.