«Qaitadan» halyqaralyq kınofestıvalde Ortalyq Azııanyń úzdik fılmi atandy
ASTANA.KAZINFORM - Qyrǵyzstan astanasynda IV Bishkek halyqaralyq kınofestıvali ótti. Bul týraly Mádenıet jáne aqparat mınıstrligi habarlady.
Festıval aıasynda Qazaqstan, Qyrǵyzstan, Ózbekstan, Tájikstan jáne Túrikmenstan kınogerleriniń týyndylary usynylǵan Ortalyq Azııa baıqaýy uıymdastyryldy.
Baıqaý qorytyndysy boıynsha qazaqstandyq «Qaitadan» fılmi «Úzdik fılm» atalymynda Gran-prı ıelendi.
«Qaitadan» sońǵy jyldardaǵy eń tabysty qazaqstandyq fılmderdiń birine aınaldy. Ótken jyly kartına nebári úsh aptanyń ishinde prokatta 1 mlrd teńgeden astam tabys jınap, otandyq kınoprokat kóshin bastady.
Buǵan deıin fılm Qazaqstandaǵy kreatıvti ındýstrııalar salasyndaǵy basty marapat — STEPPE AWARDS syılyǵynyń «Kınematografııa» sanaty boıynsha da jeńimpaz atanǵan bolatyn.
Aıta keteıik, joba 2023 jyly pıtchıng jeńimpazy atanyp, Qazaqstan Mádenıet jáne aqparat mınıstrliginiń qoldaýymen júzege asyryldy.
Aıta keteıik, Qazaqstanda fılmder prokatqa shyǵar aldynda pornografııa men tyıym salynǵan kontentke tekseriledi.
