«QAITADAN» fılmi STEPPE AWARDS syılyǵynyń jeńimpazy atandy
ASTANA. KAZINFORM – Kórermenniń ystyq yqylasyna bólengen «QAITADAN» fılmi Qazaqstandaǵy kreatıvti ındýstrııa salasyndaǵy bedeldi marapattardyń biri – «STEPPE AWARDS» syılyǵynyń ıegeri atandy. Kartına «Kınematograf» nomınatsııasynda jeńiske jetti. Bul týraly Mádenıet jáne aqparat mınıstrligi habarlady.
«QAITADAN» – rejısser Dýman Erkimbektiń tolyqmetrajdy debıýttik týyndysy. Fılm QR Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen túsirildi.
Joba 2023 jylǵy kıno jobalar pıtchınginde jeńimpaz atanyp, memleket qoldaýymen túsirilgen jáne prokatta 1 mıllıard teńgeden astam qarajat jınaǵan alǵashqy otandyq fılm retinde tarıhqa endi.
Fılmde qalada ósken Raýan esimdi jigit aýylda jumbaq ýaqyt ilmegine túsip qalady. Máseleni sheshýge tyrysqan ol úlken apattyń kýágeri bolady.
Kartına urpaq sabaqtastyǵy, jaýapkershilik, qaýipsizdik jáne kómek qolyn sozý sekildi taqyryptardy qozǵaıdy. Basty rólderdi Jasulan Kópbergen, Shuǵyla Eshenova, Aıbek Ázimbek jáne Ermek Shynbolatov somdaǵan.
Túsirilim jumystary Almaty oblysynda ótti. Fılmde kompıýterlik grafıkamen qatar shynaıy arnaıy effektiler qoldanylǵan. Qoıýshy-sýretshi – Beken Narbaı, prodıýserler – Jalyn Tileýbergenov pen Talǵat Syrmanov.
STEPPE AWARDS – Qazaqstandaǵy kreatıvti ındýstrııa salasyndaǵy úzdikterdi anyqtaıtyn marapat. 2025 jyly syılyqtar 16 nomınatsııa boıynsha tabystaldy. Atap aıtsaq, kınematograf, teatr, kreatıvti IT, ýrbanıstıka, digital art jáne Steppe Women.
Bıylǵy marapattyń taqyryby – «Renessans». «The Art of Becoming» uranyn negizge alǵan uıymdastyrýshylar izdenis, damý jáne jańǵyrý ıdeıasyn aıqyn beınelegen jobalardy atap ótti.
Aıta keteıik, «Qazaqfılm» kınostýdııasy halyqaralyq televızııalyq kórmege qatysty.
Elimizdiń kınoteatrlarynda 23 qazannan bastap «Qazaqfılm» kınostýdııasynyń «Kapıtan Baıtasov» atty kórkem fılmi kórsetile bastaıdy.