PJKR: 6 404 qatysýshy «Mátindik aqparatpen jumys isteý qabiletin baǵalaý» testileýine jiberildi

Prezıdenttik jastar kadr rezervine úshinshi irikteýge qatysýǵa qujattardy qabyldaý aıaqtaldy. QazAqparat bul týraly Memlekettik qyzmet isteri agenttiginiń baspasóz qyzmetine silteme jasap habarlaıdy.

Ótinimderdi qabyldaýǵa berilgen bir aıda jobanyń pkrezerv.gov.kz resmı saıtynda 30 myńnan astam adam tirkelip, onyń ishinde 6 404 qatysýshy «Mátindik aqparatpen jumys isteý qabiletin baǵalaý» testileýine jiberildi.

Rezervke irikteý 6 kezeńnen turady: qujattardy qabyldaý, mátindik jáne sandyq aqparatpen jumys isteý qabiletin baǵalaý, sıtýatsııalyq tapsyrmalardy sheshý, quzyretterdi baǵalaý (assessment-ortalyq jáne quzyrettilik boıynsha suhbat), sarapshylar komıssııasymen áńgimelesý jáne Ulttyq komıssııanyń otyrysy.

Prezıdenttik jastar kadr rezervi – memlekettik basqarý júıesine kreatıvti jáne bastamashyl jastardy tartýǵa baǵyttalǵan joba.

Іrikteý qorytyndysy boıynsha rezervke 50 adam qabyldanady. Jeńimpazdar bıylǵy jeltoqsan aıynyń sońynda jarııalanady.