Pyshaqpen qarýlanǵan er adam balabaqsha qyzmetkerlerine shabýyl jasady
ASTANA. QazAqparat - Armenııanyń Armavır qalasynda pyshaqpen qarýlanǵan er adam «Manýshak» balabaqshasynyń qyzmetkerlerine shabýyl jasady, dep habarlaıdy RIA Novostı.
Oqys oqıǵa týraly quqyq qorǵaý organdaryna mektepke deıingi bilim mekemesiniń qyzmetkeri habarlaǵan.
Onyń aıtýynsha, qaskóı balabaqsha ǵımaratynyń ishine jasyrynǵan. «Oqıǵa ornynda quqyq qorǵaý organdarynyń qyzmetkerleri jumys júrgizýde», - degen jergilikti polıtsııanyń taldaý, aqparat jáne BAQ-pen baılanys bóliminiń bastyǵy Edgar Djanoıan basqa málimet bermedi.
Jábirlengen týraly málimetter joq.
Jýrnalıst Gagık Shamshıannyń óz saıtynda jazýyna qaraǵanda, er adam balabaqsha qyzmetkerleri men balalardy kepilge alǵan.
Keıinirek BAQ-ta qaskóıdiń bir balany kepilde ustap turǵany týraly habar taraldy, basqa adamdar bosatylǵan.
Foto:© RIA Novostı / Kırıll Kallınıkov
