Pyshaq jaraqatynan Ulttyq ulannyń kýrsanty kóz jumdy
ASTANA. QazAqparat - Soltústik Qazaqstan oblysynda QR Ulttyq ulany Áskerı ınstıtýtynyń kýrsanty pyshaq jaraqattary saldarynan kóz jumdy, dep habarlaıdy QazAqparat Ulttyq ulannyń baspasóz qyzmetine silteme jasap.
7 qyrkúıek kúni saǵat 14.45-te Ulttyq ulannyń Áskerı ınstıtýtynyń lazaretine 3-inshi kýrstyń kýrsanty, qatardaǵy sarbaz G.A.Tursyn suǵylǵan pyshaq jaraqatymen jetkizildi. Medıtsınalyq personal jáne oqıǵaǵa baılanysty shuǵyl jetken eki jedel járdem brıgadasy oǵan jan-jaqty medıtsınalyq kómek kórsetken. Alaıda, olardyń kúsh-jigeri nátıjesiz bolyp, saǵat 15.45-te kýrsant kóz jumdy.
Qazirgi ýaqytta bolǵan jaǵdaıdyń mán-jaıy anyqtalýda. Qyzmettik tekserý bastaldy. Instıtýtta SQO ІІD-niń shuǵyl-tergeý toby, Áskerı-tergeý basqarmasy men Petropavl garnızony áskerı prokýratýrasynyń qyzmetkerleri jumys isteýde.
Oqıǵaǵa eki áskerı qyzmetshi arasyndaǵy ózara túsinispeýshilik sebep bolǵan. Ekinshi áskerı qyzmetshiniń esimi anyqtaldy, biraq tergeý múddesine oraı jarııalanbaıdy.
QR Ulttyq ulanynyń basshylyǵy kýrsanttyń týys-týǵandary men jaqyndaryna qaıǵyra kóńil aıtady.
Qaza bolǵan kýrsant Ǵalymjan Tursyn 1997 jyly 11 qarashada dúnıege kelgen. Ulttyq ulan qataryna 2015 jyldyń 3 tamyzynda qabyldandy.
