PWL týrnıri: Rızabek Aıtmuqan áıgili Olımpıada chempıonynan jeńilip qaldy
ASTANA. KAZINFORM — Búgin Alataý eteginde álemniń eń áıgili balýandarynyń basyn qosqan PWL týrnırinde qazaqtyń úsh dúrkin álem chempıony Rızabek Aıtmuqan amerıkalyq áıgili Olımpıada chempıonynan utylyp qaldy.
Naqtyraq aıtsaq, búgin Almaty qalasyndaǵy Balýan Sholaq atyndaǵy sport saraıynda PWL-8 kásipqoı kúres týrnıri máresine jetti.
Atalǵan týrnırde qazaqstandyq álem chempıony Rızabek Aıtmuqan amerıkalyq Olımpıada chempıony Kaıl Snaıdermen beldesip, 8:0 esebimen qarsylasyna jol berdi. Balýandar 97 kelige deıingi salmaq dárejesinde baq synasty.
Aıta keteıik, Snaıder bul kúni eki beldesý ótkizdi. Rızabekten bólek ol reseılik Konstantın Pshenıchnıkovty da jeńdi.
Kaıl Snaıder — Rıo olımpıadasyń chempıony, Tokıo olımpıadasyń kúmis júldegeri, sondaı-aq álem chempıonatynyń úsh dúrkin jeńimpazy.
Jalpy týrnır barysynda 11 kezdesý bolady. Kúres erejesi boıynsha ár jup 6 mınýttan beldesti.
Osyǵan deıin atalǵan týrnırde taǵy eki qazaqstandyq balýan synǵa túskenin jazǵan bolatynbyz. Onda Azamat Dáýletbekov qarsylasynan basym tússe, áıelder kúresinen Jámıla Baqbergenova qyrǵyzstandyq áıgili balýan Aıperi Medetqyzyna 5:1 esebimen jol berdi