Pýtıntseva Adelaıda týrnırinde alǵashqy qarsylasyn aıqyn basymdyqpen utty

ASTANA. KAZINFORM – Qazaqstannyń ekinshi, álemniń 74-raketkasy ıÝlııa Pýtıntseva Adelaıda (Aýstralııa) WTA 500 týrnıriniń irikteý saıysyn sátti bastady.

Qazaqstandyq tennısshi irikteýdiń jartylaı fınalynda dúnıejúzilik reıtıngide 1477-orynda turǵan aýstralııalyq Torı Rasselmen kezdesti.

Pýtıntseva jergilikti sportshy tarapynan pálendeı qarsylyq kórgen joq. Match 6:4, 6:1 esebimen aıaqtaldy. 

Bir saǵattan sál astam ýaqytqa sozylǵan básekede Pýtıntseva 1 eıspen birge 9 breık-poınttyń jeteýin paıdalandy. Rassel 1 eıs, 4 breıkpen (8 breık-poınt) kózge tústi.

ıÝlııa Pýtıntseva irikteý saıysynyń fınalynda álemniń 46-raketkasy, chehııalyq Marı Boýzkova nemese reıtıngide 467-satydaǵy serbııalyq Aleksandra Krýnıchtiń qaı jeńgenimen sheberlik baıqasady.

Ótken jyly osy jarysta ıÝ.Pýtıntseva jartylaı fınalǵa deıin jetken bolatyn. Sonda alǵan reıtıngilik upaıyn qorǵaý úshin bıyl barynsha sátti óner kórsetýi kerek. 

Qazirdiń ózinde qazaqstandyq tennısshi WTA Live reıtıngisinde 105-orynǵa syrǵyp ketip tur. 

Eske sala keteıik, budan buryn Tımofeı Skatovtyń Úndistandaǵy týrnırdiń fınalyna shyqqanyn jazǵan edik.