Pýtınniń Ýıtkoffpen kezdesýi 2 jeltoqsanǵa josparlandy
ASTANA. KAZINFORM — Reseı prezıdentiniń baspasóz hatshysy Dmıtrıı Peskov jýrnalısterge bergen suhbatynda Reseı prezıdenti Vladımır Pýtın men AQSh prezıdentiniń arnaıy ókili Stıven Ýıtkofftyń kezdesýi 2 jeltoqsan kúni ótetinin aıtty, dep habarlaıdy TASS.
— Iá, erteńge Ýıtkoffpen kezdesý josparlanǵan. Shyn máninde, ol bul týraly keshe ózi aıtty, — dep jaýap berdi Peskov bul másele boıynsha qoıylǵan suraqqa.
Kreml ókili kelissózdiń tústen keıin ótetinin de naqtylady.
— Prezıdent erteńgi Reseı-Amerıka baılanystaryna daıyndyq retinde búgin birneshe jeke kezdesýler ótkizedi, — dep qosty baspasóz hatshysy.
Buǵan deıin AQSh pen Ýkraına delegatsııalary beıbitshilik jospary týraly kelissóz júrgizip jatqany habarlandy.
Keıinnen Marko Rýbıo eki delegatsııanyń kelissózi nátıjeli ótkenin aıtty.
