Pýtınniń reıtıngi tamyzda kóterilip, artynsha tómen tústi - saýalnama
ASTANA. QazAqparat - "Levada-tsentr" taldaý ortalyǵynyń derekterine sáıkes 22-25 tamyzdaǵy jaǵdaı boıynsha Vladımır Pýtındi saýalnamaǵa jaýap bergenderdiń 84%-y qoldady, dep habarlady Bı-bı-sı.
Aıdyń basynda Reseı prezıdentin qoldaý reıtıngi 87 paıyzdy quraǵan. Suralǵandardyń 15 paıyzy Pýtınniń atqarǵan qyzmetin qup kórmegen - ótken saýalnamamen salystyrǵanda eki paıyzǵa joǵary.
Respondetter: «Elde is durys baǵytta júrip jatyr ma, álde keri baǵytta ma?», degen saýalǵa da jaýap bergen.
Oǵan 64 paıyzy (aıdyń basynda 66 paıyz) qanaǵattanatyndyqtaryn bildirgen, teris - 22 paıyz (aıdyń basynda - 19 paıyz). Pýtınniń reıtıngi 2014 jyldyń basynan bastap ósti. Ony saýalnama jaýaptarynan baıqaýǵa bolady. Ol kezde "Levada-tsentr" derekteri boıynsha suralǵandardyń 65 paıyzy qoldasa, is-áreketin 34 paıyzy maquldamaǵan.
Senim bildirý jaıyndaǵy ashyq saýalǵa Pýtınge 57 paıyz respondentter oń jaýap berdi. Onyń izinshe qorǵanys mınıstri Sergeı Shoıgý, al Úkimet basshysy Dmıtrıı Medvedev 18 paıyzben úshinshi orynda.
