Pýtınniń keńesshisiniń Feısbýktegi paraqshasy buǵattaldy
ASTANA. QazAqparat - Reseı prezıdentiniń ǵalamtordy damytý máseleleri jónindegi keńesshisi German Klımenkonyń Feısbýktaǵy paraqshasy avtorlyq quqyqty buzǵany úshin buǵattaldy. Bul týraly dw.com habarlady.
Feısbýk áleýmettik jelisi RF prezıdentiniń ǵalamtordy damytý máseleleri jónindegi keńesshisi German Klımenkonyń paraqshasyn úsh kúnge buǵattaǵan bolatyn.
Bul týraly Klımenkonyń ózi VK áleýmettik jelisindegi paraqshasynda buǵattaý týraly habarlamanyń skrınshotyn jarııalady.
Feısbýk Klımenkony ózge tulǵalardyń avtorlyq quqyǵyna nuqsan keletin materıaldardy jarııalaǵany úshin jazalady. Keńesshiniń ózi birneshe ret paraqshasyna jazbalaryn jarııalaǵan tanymal bloger jáne aspaz Stalık Hankıshıev jeli ákimshilerine shaǵymdandy dep esepteıdi.
Eske sala ketsek, buryn Klımenko Reseıdiń aqparattyq qaýipsizdigi úshin qytaılyq tájirıbeni qoldana otyryp, reseılikterdiń ǵalamtordaǵy múmkinshilikterin shekteý týraly usynys jasaǵan edi.
