Pýtınge fýtboldan ÁCh ótkizý estafetasy tabystaldy
ASTANA. QazAqparat - Rıo-de-Janeırodaǵy "Marakana" stadıonynda fýtboldan álem chempıonatyn uıymdastyrý mártebesi Brazılııadan Reseıge berildi. Kelesi álemdik týrnır 2018 jyly kórshiles elde ótetin bolady, dep jazady sheteldik BAQ.
Málimetterge súıensek, saltanatty sharaǵa Brazılııa prezıdenti Dılma Rýsef, RF prezıdenti Vladımır Pýtın jáne Halyqaralyq fýtbol qaýymdastyǵy federatsııasynyń (FIFA) basshysy Iozef Blatter qatysty. FIFA prezıdenti qol qoıylǵan týrnırdi ótkizý quqyǵyn beretin sertıfıkatpen tanystyrdy, al Rýsef pen Pýtın resmı fýtbol doptaryna qol qoıdy.
«Brazılııadaǵy álem chempıonaty rýhanı birliktiń, adamdar arasyndaǵy baılanystyń, dıskrımınatsııaǵa qarsy kúrestiń qanshalyqty mańyzdy ekenin kórsetti», - dedi Blatter. - Bul sonymen birge kelesi elge degen jaýapkershilikti arttyra túsedi. Reseı ol mindetti oryndap, 2018 jyly este qalatyn chempıonat uıymdastyratynyna senemin". "Brazılııa álemdegi eń iri fýtbol týrnırin ótkizgenin maqtan tutady. Sońǵy 30 kúnde barsha álem Brazılııaǵa jipsiz baılandy. 12 qalada ótken básekeler adamdarda san alýan áser qaldyrdy. Reseıge 2018 jylǵy fýtboldan álem chempıonatyn uıymdastyrý isine sáttilik tileımin",- dep qosty Rýsef.
